Menu Close

អ្នកបកប្រែភាសា

ដំណឹងជ្រើសរើស អ្នកបកប្រែ

       អង្គការខ្មែរស្ម័គ្រចិត្ត ដើម្បីអភិវឌ្ឍន៏សហគមន៏ (CVCD) ត្រូវបានបង្កើតឡើងនៅថ្ងៃទី ២៥ ខែ ធ្នូ ឆ្នាំ១៩៩២ ក្រោមការផ្ដួចផ្ដើមគំនិតនៃលោក ភិតធ័រ ផន និង​ កូនចិញ្ចឹមរបស់លោកឈ្មោះ អាន​ ចនផន ព្រមទាំងសិស្ស និស្សិតមួយចំនួនដែលបានកំពុងរៀនភាសាអង់គ្លេសក្រោយព្រះបរមរាជវាំង។ អង្គការខ្មែរស្ម័គ្រចិត្តដើម្បីអភិវឌ្ឍន៏សហគមន៏ត្រូវបានទទួលស្គាល់ ដោយព្រះបាទសម្ដេចព្រះ នរោត្តម​ សីហនុ អតីតព្រះមហាក្សត្រនៃព្រះរាជាណាចក្រកម្ពុជានាថ្ងៃទី ២២ ខែ កញ្ញា ឆ្នាំ ១៩៩៣ និងបានចុះបញ្ជីក្នុងក្រសួង មហាផ្ទៃ នៅថ្ងៃទី​ ១៧ ខែ ឧសភា ឆ្នាំ ១៩៩៦។

នាពេលបច្ចុប្បន្នអង្គការមានកម្មវិធីចំនួន ៣ ដូចជាៈ

  • កម្មវិធីលើកកម្ពស់វិស័យអប់រំៈ​ ផ្តល់ការអប់រំតាមកម្មវិធីសមមូលបឋមសិក្សាសម្រាប់កុមារពលកម្ម និងកុមារក្រៅសាលាត្រឹមកម្រិតបឋមសិក្សា​ មត្តេយ្យ និងបង្រៀនបន្ថែម កម្មវិធីភាសាអង់គ្លេស កុំព្យូទ័រ នៅក្នុងសហគមន៍ចំនួនបួននៃរាជធានីភ្នំពេញ។
  • កម្មវិធីពង្រឹងសិទ្ធិអំណាចសេដ្ឋកិច្ចៈ ដែលបានផ្តល់ឥណទានដល់អតិថិជនដែលស្ថិតនៅក្នុងខេត្តបាត់ដំបង ក្នុងគោលបំណងបង្កើនប្រាក់ចំណូល តាមរយៈការពង្រីកអាជីវកម្មទាំងផ្នែកកសិកម្ម និងមុខរបរខ្នាតតូចដើម្បីអោយជីវភាពរបស់ពួកគាត់កាន់តែល្អប្រសើរ។
  • កម្មវិធីអ្នកស្ម័គ្រចិត្តៈ ផ្តល់ឱកាសក្នុងការចែករំលែកបទពិសោធន៍ វប្បធម៌ផ្សេងៗគ្នា និងឱកាសក្នុងការបង្រៀន និងរៀនភាសាអង់គ្លេស ជាមួយការអភិវឌ្ឍន៍សហគមន៍។

អង្គការ ខ្មែរស្ម័គ្រចិត្ត ដើម្បីអភិវឌ្ឍន៍សហគមន៍ កំពុង ប្រកាសជ្រើសរើសអ្នកបកប្រែ ដែលមានលក្ខណៈសម្បត្តិគ្រប់គ្រាន់សម្រាប់តួនាទីដូចខាងក្រោម៖

តួនាទីៈ ជាអ្នកបកប្រែ ពីភាសាខ្មែរទៅភាសាអង់គ្លេស និងពីភាសាអង់គ្លេសមកភាសាខ្មែរ (ចំនួន ៤រូប):  អ្នកបកប្រែ ស្ថិតក្រោមការគ្រប់គ្រងផ្ទាល់ របស់មន្ត្រីកម្មវិធី របស់អង្គការ ខ្មែរស្ម័គ្រចិត្ត ដើម្បីអភិវឌ្ឍន៍សហគមន៍ ក្នុងការ បកប្រែនៅផ្នែកដែលខ្លួនទទួលខុសត្រូវ ដោយធានាអនុវត្ដអោយបានត្រឹមត្រូវ ច្បាស់លាស់ និងទាន់ពេលវេលាប្រកបដោយប្រសិទ្ធិភាពខ្ពស់ តាមរយៈការធ្វើអោយប្រសើរផ្នែកទំនាក់ទំនងនិងការប្រាស្រ័យគ្នារវាងក្រុមសិស្សជនជាតិអូស្ត្រាលី សិស្សអង្គការ និងប្រជាជនសហគមន៍ ។

ទីតាំងបំរើការងារៈ  សហគមន៍គោកឃ្លាង១-២ ក្រាំងអង្ក្រង២ និងអភិវឌ្ឍន៍មានជ័យរបស់អង្គការ ស៊ីវីស៊ីឌី។

ការទទួលខុសត្រូវ

  1. បកប្រែពីភាសាអង់គ្លេសមកភាសាខ្មែរ និងពីភាសាខ្មែរមកភាសាអង់គ្លេសសម្រាប់សកម្មភាព ខាងក្រោមដូចតទៅ៖
    1. សកម្មភាពជួបជាមួយប្រជាជនក្នុងសហគមន៍
    2. សកម្មភាពធ្វើនំក្នុងសហគមន៏
  • សកម្មភាពបង្រៀនភាសាអង់គ្លេសក្នុងសាលារៀនសហគមន៍
  1. បង្រៀនភាសាខ្មែរដល់សិស្ស និងគ្រូនៃក្រុមជនជាតិអូស្រ្តាលី ក្នុងថ្នាក់រៀនសហគមន៍។
  2. ចូលរួមនៅក្នុងការធ្វើបទបង្ហាញ មុនពេលសកម្មភាពស្ម័គ្រចិត្តចាប់ផ្ដើម ដែលពាក់ព័ន្ធជាមួយប្រវត្តិ របស់អង្គការស៊ីវីស៊ីឌី និងគោលនយោបាយផ្សេងៗ របស់អង្គការ ព្រមទាំងតួនាទីរបស់អ្នកស្ម័គ្រចិត្ត
  3. ចូលរួមការឆ្លុះបញ្ចាំង និងការវាយតម្លៃ អំពីដំណើរការនៃកម្មវិធីស្ម័គ្រចិត្ត ក្រោយពេលសកម្មភាពស្ម័គ្រចិត្ត ត្រូវបានបញ្ចប់ជាស្ថាពរ
  4. ធ្វើការសហការយ៉ាងជិតស្និទ្ធរវាងមន្ត្រីកម្មវិធី អ្នកសម្របសម្រួល និងក្រុមជនជាតិអូស្ត្រាលី ដើម្បីធានានូវសុវត្ថភាព និងការចែករំលែកពត៌មាននៃរបៀបរបប ក្នុងការរស់នៅរបស់ប្រជាជនសហគមន៍។

ល័ក្ខខ័ណ្ឌ

  • ថ្នាក់បរិញ្ញាបត្រឆ្នាំទី ៣ (ឆ.១ ឬឆ.២ ឡើងទៅ) (ផ្នែកទំនាក់ទំនងអន្តរជាតិ ឬអក្សរសាស្រ្តភាសាអង់គ្លេស ត្រូវបានលើកទឹកចិត្ត)
  • អាចធ្វើការទំនាក់ទំនង បានយ៉ាងស្ទាត់ជំនាញ ជាភាសាអង់គ្លេស
  • មានការប្រាស្រ័យទំនាក់ទំនងបានល្អរវាងវប្បធម៌ខ្មែរ និងអូស្ត្រាលី
  • មានភាពបត់បែនក្នុងការធ្វើការងារជាមួយប្រជាជនសហគមន៍
  • មានការតាំងចិត្តក្នុងការរៀនសូត្រ និងទទួលយកចំណេះដឹងថ្មីៗ
  • មានការគោរពអំពីវប្បធម៌នៃការធ្វើការងារជាក្រុម
  • មានមធ្យោបាយធ្វើដំណើរដោយខ្លួនឯង ក្នុងអំឡុងពេលបំពេញការងារ ជាអ្នកបកប្រែ

រយៈពេលបកប្រែៈ ចំនួន ២ថ្ងៃ (២៥-២៦​ និង ២៦-២៧ កញ្ញា ២០១៨)

អត្ថប្រយោជន៍

អង្គការខ្មែរស្ម័គ្រចិត្ត ដើម្បីអភិវឌ្ឍន៏សហគមន៏ ផ្តល់ជូននូវអត្ថប្រយោជន៍ជាច្រើនដល់បេក្ខជន/បេក្ខនារីដូចខាងក្រោម៖

  • ប្រាក់ឧបត្ថម្ភប្រចាំថ្ងៃ ១៥ ដុល្លា ក្នុង​ ០១ ថ្ងៃ
  • មានឱកាសអនុវត្តន៍ភាសាអង់គ្លេសជាមួយជនជាតិដើម (ជនជាតិអូស្រ្តាលី)
  • មានឱកាសបានរៀនសូត្រ​ និងអនុវត្តផ្ទាល់ផ្នែកបកប្រែ
  • មានឱកាសបានចូលរួមសកម្មភាពផ្សេងៗ​ និងការចែករំលែកវប្បធម៌រវាងជនជាតិខ្មែរ និងជនជាតិអូស្ត្រាលី
  • លិខិតបញ្ជាក់អំពីបទពិសោធន៏ ជាអ្នកស្ម័គ្រចិត្ត ជាមួយអង្គការស៊ីវីស៊ីឌី

បែបបទដាក់ពាក្យ

  • បេក្ខជន/បេក្ខនារី ត្រូវដាក់ប្រវត្តិរូប (CV) និងលិខិតអម (Cover Letter)​ (ចំណេះដឹងទូទៅ បទពិសោធន៍) មកការិយាល័យកណ្តាលរបស់អង្គការប្រចាំនៅរាជធានីភ្នំពេញឬតាមរយៈអាស័យដ្ឋានអ៊ីម៉េលៈ adminhr_manager@cvcd.org.kh

​​​​​           តាមរយៈវេបសាយ: www.cvcd.org.kh

  • និងលេខទូរស័ព្ទទំនាក់ទំនាក់ទំនង ០៩២ ៤០៤ ០០៥/០២៣ ៩៨៩ ២៤៣។
  • កាលបរិច្ឆេទឈប់ទទួលពាក្យៈ អាស្រ័យលើការជ្រើសរើសបានជាក់ស្តែង
  • សំគាល់ៈ មានតែបេក្ខជន/បេក្ខនារី ដែលជាប់ក្នុងបញ្ជីជ្រើសរើសប៉ុណ្ណោះ នឹងត្រូវទាក់ទងមកសម្ភាស៏។

រាល់បុគ្គលិក និងអ្នកស្ម័គ្រចិត្តរបស់អង្គការត្រូវគោរពគោលនយោបាយការពារកុមាររបស់អង្គការ។